SAWIRRO: Degmada Waaberi oo gaartay guushii koowaad tartanka kubbadda cagta Orgi Cup 2022.
Degmada Waaberi ayaa ka adkaatay Deyniile kulan ka tirsanaa Guruubka D tartanka kubbadda cagta Orgi Cup 2022.
Degmada Waaberi waxay u ahayd guul muhiim ah guushii ay ka gaartay Degmada Deyniile, cayaarta oo ahayd mid xiiso gaara leh waxaa soo camiray garoonka taageerayaal dhallinyaro ah oo kala taageerayay labad dhinac, natiijada cayaarta ayaana ku soo dhammaatay 7-3 oo ku adkaatay Waaberi.
Kulanka dhexmaray labada kooxood waxaa abaalmarinta cayaaryahankii ugu wanaagsanaa ku guulaystay Cabdicasiis Hoomey oo ah cayaaryahan hore u soo maray kooxaha ugu waaweyn horyaalka heerka koowaad ee dalkeenna Soomaaliya halka xiddigii ugu bandhiga xumaa loo aqoonsaday Axmed Gacaltooyo oo ka mid ah howl-wadeenada Astaan Sports.
Si kastaba Degmada Waaberi ayaa Guruubka D kulankii hore barbaro la soo gashay Yaaqshiid halka Deyniile laga adkaaday labadii kulan ay cayaartay tartanka kubbadda cagta Orgi Cup 2022.
