Degmada Kaaraan ayaa guul ka gaartay kulan ka tirsanaa Guruubka A, tartanka kubbadda cagta Orgi Cup 2022.
Cayaarta oo ahayd mid aad u xiiso badan waxaa qaybtii koowaad lagu kala nastay 4-3 oo hoggaanka ku haysay Degmada Kaaraan waxey ahayd cayaar aad u adag oo labada dhinac ay soo bandhigeen.
Marka dib la isugu soo laabtay qaybtii labaad ee kulanka Cayaartoyda Degmada Kaaraan waxey la soo laabteen cayaar weerar ah taas oo keenta iney helaan goolal kale waxaana natiijada cayaarta ay ku soo dhammaatay 9-7 ay ku adkaatay Degmada Kaaraan.
Guruub A waxaa hoggaanka u hayso Kaaraan oo saddexdii kulan ay cayaartay labo ka mid ah ka adkaatay Kaxda, halka kulanka kale ay barbaro la gashay Heliwaa waxaana u harsan hal kulan oo mar kale ay la cayaari doonto Degmada Heliwaa.
Si kastba tartanka kubbadda cagta Orgi Cup 2022 ayaa noqday mid ka mid ah tartamada ugu xiisaha badan oo Astaan Sports ay u qabaneyso dhallinyarada caanka ka ah Baraha Bulshada kuwaasi oo kala hoggaaminayo Degmooyinka ka qaybgalayo tartanka kubbadda cagta Orgi Cup 2022.
