Degmada Wadajir ayaa ka adkaatay Hodan kulan ka tirsanaa tartanka kubbadda cagta Orgi Cup 2022 Guruubka C oo lagu cayaaray mid ka mid ah garoomada kubbadda cagta ee ku yaalo Degmada Wadjir.
Qaybtii koowaad ee kulanka ayaa lagu kala nastay Wadajir oo hoggaanka ku hayso 4-0 waxey ahayd cayaar ay ku gacan sareysay Degmada Wadajir.
Marka dib la isugu soo laabtay qabytii labaad ee cayaarta Wadajir ayaa dhallisay labo gool oo kale, halka Hodan ay heshay kaliya hal gool natiijada cayaarta ayaana ku soo dhammaatay 6-1 ay ku adkaatay Degmada Wadajir.
Degmada Wadajir ayaa afar dhibcood ka heshay Hodan labadii kulan ay la cayaartay, sidoo kale waxey ka soo adkaatay Degmada Shibis waxeyna hoggaanka Guruubka C ku haysaa 7-dhibcood, kulanka u harsan Wadajir waxey la cayaari doontaa Shibis.
Degmada Hodan ayaa ka soo adkaatay Shibis halka Hodan ay heshay 1-dhibic labadii kulan ay la cayaartay Wadajir kulanka u harsan waxey la cayaari doonaan Shibis tartanka kubbadda cagta Orgi Cup 2022.
