Maamulka cayaaraha Deegaanka Garasbaalay ayaa soo bandhigay Akadeemiyad cusub oo ku jiraan dhallinyaro Da’yar ah.
Akadeemiyadan ayaa loogu magacdaray Garasbaaley Academy, waxaana gacanta ku hayo maamulka cayaaraha Deegaanka Garasbaaley.
Furitaanka Akadeemiyada waxaa lagu qabtay mid ka mid ah garoomada kubbadda cagta Deegaanka Garasbaaley waxaana ka soo qaybgalay Maamulka cayaaraha & marti sharaf kale.
Guddoomiyaha cayaaraha Deegaanka Garasbaaley Faa’is Keyse oo ka hadlay furitaanka Akadeemiyada ayaa Astaan Sports u sheegay iney qayb katahay hormarka cayaaraha Deegaanka oo sannadihii ugu dambeeyay lagu soo kordhigay Akadeemiyo laga soo xulay dhallinyarada ku nool Deegaanka Garasbaaley.
Dhanka kale Yuusuf Qalinle oo ah Macalinka Akadeemiyada oo la hadlay Astaan Sports ayaa carabka ku dhuftay inuu xoogga saari doono sidii uu u soo saari lahaa dhallinyaro ku wanaagsan cayaarista kubbadda cagta mustaqbalna kuleh kubbadda cagta Dalkeenna Soomaaliya.
Si kastaba ma ahan markii ugu horreysay oo Akadeemiyo cusub laga furo Deegaanka Garasbaaley waxaa hore u jiray dhoor Akadeemiyo oo ka dhisan Deegaanka Garasbaaley.
