SAWIRRO: Koob lagu xusayay sanadaguuradii 20-aad Dugsiga Xalane oo lagu qabtay Wadajir.
Tartankan oo loo qabtay labo koox oo laga soo xulay Ardeyda Iskuulka Xalane ayaa lagu soo gabagabeeyay mid ka mid ah garoomada kubbadda cagta Degmada Wadajir.
Maamulka ugu sareeyo Iskuulka Xalane ayaa ka soo qaybgalay kulanka fiinaalka ah ee lagu maamuusayay sanadguuradii 20-aad tan iyo markii dhidibada loo taagay Dugsiga hoose, dhexe & sare Xalane sannadkii 2002-dii.
Labada koox ee cayaaray kulanka fiinaalka ayaa ku cayaarayay magaca Iskuulka Xalane A & Xalane B waxaana natiijada cayaarta ay ku soo dhammaatay 7-1 oo ku adkaadeen Xalane A.
Guddoomiyaha guud Dugsiga Xalane oo la hadlay warbaahinta ayaa sheegay inuu aad ugu farxsan yahay in sanadguuradii 20-aad isagoo ka mid iskuulka Xalane uu goob jog u ahaado wuxuuna intaa kudaray iney jiraan tartamo kale oo loo qabto Ardeyda wax ka barato Dugsiga Xalane ee Degmada Wadajir.
Si kastaba Dugsiga Xalane ayaa la aas-aasay sannadkii 2002-dii waxaana tan iyo markaasi ka baxay dhoor dufco uu soo saaray Iskuulka Xalane.
