Kulan ka tirsan wareegga afar dhammaadka tartanka Orgi Cup oo la cayaari doono galabta.
Degmooyinka Hodan & Hiliwaa ayaa galabta wada cayaari doono kulan ka tirsan wareegga afar dhammaadka tartanka kubbadda cagta Orgi Cup 2022.
Demada Hodan ayaa ku soo baxday 7-dhibic kaalinta labaad Guruub C halka Hiliwaa ay kaalinta koowaad kaga soo gudubtay Guruub A, iyagoo helay 10-dhibcood dhammaan kulamadii ay soo cayaartay heerka Guruubka, labada Degmo midii adkaato ayaa iska xaadirin doonto wareegga afar dhammaadka tartanka Orgi Cup 2022.
Waxaa tartanka heerka Guruubka ku haray Degmooyinka kala ah Kaxda, Dharkenley, Deyniile, iyo Shibis, kulmada bug-baxa ayaa lagu cayaari doonaa garoonka kubbadda cagta Macquul Stadium ee Degmada Waaberi.
Tartanka kubbadda cagta Orgi Cup 2022 oo markii ugu horreysay Astaan Sports ay u qabato dhallinyarada aadka u xiiseyso cayaaraha kubbadda cagta ayaa noqday mid ka mid ah tartamada ugu xiisaha badan sannadkan 2022.
