Xulka Netherlands oo guul ay ka gaareen Senegal ku furtay Koobka Adduunka ee Qatar
Xulka qaranka Netherlands ayaa guul 2-0 ah oo ay gaareen dhiggooda Senegal ayay ku furteen kulankooda koowaad ee Koobka Adduunka.
Labo gool oo ay kala dhaliyeen Gapko iyo Klaassen ayay guusha ku qaateen xulka Oranje.
Kulankan ayaa la isku mari waayey in gool la iska dhaliyo ilaa daqiiqaddii 84’aad uu madax ugu shubay Gakpo goolka uu waardiyaha ka hayey Edouard Mendy, kaddib karoos qurux badan oo uu ka helay F. De Jong.
Siddeedii daqiiqo ee lagu kordhiyey kulanka ee waqti daayaca ayay markale ka faa’iideysteen xulka Holland, waxaana kubbad uu goolhaye Mendy ka tufay Memphis Depay dhammaystiray Klaassen oo ka dhigay kulanka 2-0 ay ku adkaadeen xulka qaranka Oranje.
Guushaan ayaa Holland kaga dhigay inay min saddex dhibcood la leeyihiin xulkii xalay adkaaday ee Ecuador, halka Senegal iyo Qatar oo guuldarrooyin ku furtay Koobka Adduunka ay kaalinta ugu hooseysa ka hoggaaminayeen Guruubkooda A.
Astaan Sports
