Kooxda kubadda cagta Manchester United ayaa shaacisay in Cristiano Ronaldo uu kooxda ka tagaayo, kaddib hishiis is-afgarad labo geesood ah.
Warbixinta ayaa lagu sheegay in si deg deg ah loo dhaqan gelin doono hishiiska bixitaan Cristiano Ronaldo.
Kooxdu waxay uga mahad-celinaysaa wax qabadkii wacnaa waqtigii uu joogay Old Trafford ayaa sidoo kale lagu yiri warbixinta.
Bayaanka ka soo baxay Kooxda Manchester United ayaa u dhignaa: “Cristiano Ronaldo ayaa kaga tagaya Manchester United heshiis labo geesood ah, iyadoo si deg deg loo dhaqan gelin doono.”
“Kooxdu waxa ay uga mahadcelinaysaa wax qabadkiisii wacnaa ee uu ku soo qaatay naadiga labadii xilli ciyaareed ee uu ku sugnaa Old Trafford, isagoo dhaliyay 145 gool 346 kulan oo uu saftay, waxayna u rajaynaysaa isaga iyo qoyskiisa wanaag mustaqbalka.”
“Qof walba oo Manchester United ah ayaa diiradda saaraya sii wadidda horumarka kooxda Erik ten Hag iyo ka wada shaqaynta sidii ay guul ugu gaari lahaayeen garoonka dhexdiisa.” ayaa lagu soo gabagabeeyey bayaanka ka soo baxay Manchester United ee lagu daabacay Website-ka rasmiga ah ee naadiga.
Astaan Sports
