Sawir laga soo qaaday Bruno Fernandes oo cabsi ku abuuray taageerayaasha Man United ka hor kulanka Tottenham
Waxaa la soo sawiray Bruno Fernandes oo xiran qalabka jugta ka dhowra lugta kaddib markii ay kooxda Manchester United iska xaadirisay Axaddii Final-ka tartanka faca weyn ee FA Cup-ka.
Xiddiga xulka qaranka Portugal waa mid muhiim ah kooxda uu hoggaamiyo Tababare Erik ten Hag xilli ciyaareedkan, waxaana uu Bruno u muuqday mid uu dhaawac soo gaartay qeybtii hore kulankii ay garoonka Wembley kula ciyaareen kooxda Brighton.
Bruno Fernandes ayaa lagu beddelay kulankaas weeraryahanka Manchester United ee Wout Weghorst kaddib markii uu ciyaaray 101 daqiiqo.
Si kastaba ha noqotee warar horudhac ah oo haatan la helayo ayaa sheegaya in Bruno Fernandes uu seegi karo kulanka ay la leeyihiin Khamiista naadiga Tottenham, taasoo cabsi ku abuurtay Jamaahiirta kooxda Manchester United.
Sawirka cabsida ku abuuray taageerayaasha Man United ayaa ah Fernandes oo xiran qalabka jugta ka ilaaliya lugta, isla markaana fadhiga qolka fadhiga ee gurigiisa, markaana gacanta ku haysta koob.
Inkastoo Man United ay haysato xiddigo badan oo khadka dhexe ka ciyaari kara oo buuxin kara booska Bruno haddana taageerayaasha Man United ayaa sawirkani cabsi ku abuuray, madaama ay ogyihiin sida xiddiga reer Portugal uu muhiim ugu yahay xilli ciyaareedkan kooxda Man United.
Astaan Sports
