Kooxda kubadda cagta Arsenal ayaa lagu soo warramayaa inay dib u soo celisay xiisihii ay u qabtay saxiixa xiddiga naadiga Chelsea ee N’Golo Kante.
Sida ay warinayso Jariiradda The Mirror, Arsenal ayaa dib u soo ceshatay xiisaha ay u qabto saxiixa N’Golo Kante oo ka tirsan kooxda ay ka wada dhisan yihiin Magaalada London ee Chelsea.
The Gunners ayaa isha ku haysa inay xoojiso khadkeeda dhexe, waxana ay u aqoonsatay xiddiga khadka dhexe ee reer France midka ugu macquulsan oo booskaas u buuxin kara.
Iyadoo Chelsea ay la soo wareegtay ciyaartoy badan suuqii hore ee suuqa kala iibsiga xiddigaha, isla markaana kuwo kale la filayo inay la soo saxiixan doonto Kante ayay ku adkaan kartaa inuu boos ka helo Blues xilli ciyaareedka soo socda, waxaana laga yaabaa inuu u dhaqaaqo garoonka Emirates.
Astaan Sports
