Kooxda Chelsea oo cayrisay 14 Tababare oo kala duwan 20-kii sano ee la soo dhaafay
Milkiilaha haatan kooxda Chelsea ee Todd Boehly ayaa xitaa ka naxariis daran midkii ka horreeyay isaga kaddib markii uu shaqada ka ceyriyay maareeyayaal aan howl fiican qaban garoonka Stamford Bridge.
Graham Potter oo wakhti yar hayay shaqada kooxda Chelsea ayaa go’aansaday inay shaqada ka diraan kaddib markii ay u arkeen inuusan ahayn mid guulo u harseedi kara naadiga mustaqbalka wax ka yar todobo bilood kaddib markii ay bixiyeen lacagta lagu buburin karay qandaraaskiisii kooxda Brighton ee 21.5 milyan oo gini.
The Blues waa in la yiraahdaa waxa ay u muuqdaan kuwo aan caadi ahayn tan iyo markii milkiilihii hore ee Roman Abramovich uu kooxda iibsaday bishii June ee sanadkii 2003, waxaana tan iyo markaas ay isku dhaceen 14 tababare oo kala duwan.
José Mourinho iyo Guus Hiddink waa labada tababare ee min labo jeer qabtay shaqada kooxda Chelsea, Mourinho ayaa labo goor si joogta ah loogu magacaabay macallinka Blues, halka Guus Hiddink labo jeer uu Blues ka noqday tababare ku meel gaar ah, halka tababarihii hore ee Liverpool, Rafael Benítez uu sidoo kale lix bilood tababare ku meel gaar ah ka ahaa kooxda Chelsea.
Intii kooxda Chelsea isku bedbedalaysay tababarayaashaas tobanka ka badan haddana guulaheeda koobabka ayaa sii socday tan iyo markii uu iibsaday kooxda Roman Abramovich sanadkii 2003 waxa ay Blues ku guuleysatay 21 koob oo isugu jira kuwo waa weyn iyo kuwo yar yar.
Haddaba waxaan dul istaagaynaa dhammaan tababarayaashii soo maray Chelsea iyo mid waliba koobabka uu kula guuleystay Chelsea, iyadoo ay jiraan macallimiin muddo kooban hayay shaqada Blues haddana aan wax koob ah kula guuleysan.
7 Tababare ayaa kooxda Chelsea koobab kula guuleystay halka 7 tababare oo kale aysan wax koob ah la qaaday kooxda ka dhisan Galbeedka London.
Macallimiinta aan Chelsea wax koob ah la qaadin waxaa ka mid ah Claudio Ranieri, Avram Grant, Luiz Felipe Scolari, André Villas-Boas, Guus Hiddink, Frank Lampard iyo Graham Potter.
Jose Mourinho ayaa ah tababaraha koobabka ugu badan la qaaday Chelsea waxaana uu wadar ahaan kula guuleystay 8 koob, halka Ancelotti iyo Tuchel oo ku soo xiga ay min saddex koob la hanteen Blues.
Tababare waliba muddadii uu xilka Chelsea hayay & kuwa ku guuleystay koobabka:-
| Manager | Period | Premier League | Champions League | Europa League | FA Cup | League Cup | Other trophy | Manager totals |
| Claudio Ranieri | Sep 2000 to May 2004 | 0 | 0 | 0 | 0 | 0 | 0 | 0 |
| José Mourinho | Jun 2004 to Sep 2007 | 2 | 0 | 0 | 1 | 2 | 1 | 6 |
| Avram Grant | Sep 2007 to May 2008 | 0 | 0 | 0 | 0 | 0 | 0 | 0 |
| Luiz Felipe Scolari | Jul 2008 to Feb 2009 | 0 | 0 | 0 | 0 | 0 | 0 | 0 |
| Guus Hiddink (interim) | Feb 2009 to May 2009 | 0 | 0 | 0 | 1 | 0 | 0 | 1 |
| Carlo Ancelotti | Jul 2009 to May 2011 | 1 | 0 | 0 | 1 | 0 | 1 | 3 |
| André Villas-Boas | Jun 2011 to Mar 2012 | 0 | 0 | 0 | 0 | 0 | 0 | 0 |
| Roberto Di Matteo | Mar 2012 to Nov 2012 | 0 | 1 | 0 | 1 | 0 | 0 | 2 |
| Rafa Benítez (interim) | Nov 2012 to May 2013 | 0 | 0 | 1 | 0 | 0 | 0 | 1 |
| José Mourinho | Jun 2013 to Dec 2015 | 1 | 0 | 0 | 0 | 1 | 0 | 2 |
| Guus Hiddink (interim) | Dec 2015 to Jun 2016 | 0 | 0 | 0 | 0 | 0 | 0 | 0 |
| Antonio Conte | Jul 2016 to Jul 2018 | 1 | 0 | 0 | 1 | 0 | 0 | 2 |
| Maurizio Sarri | Jul 2018 to Jun 2019 | 0 | 0 | 1 | 0 | 0 | 0 | 1 |
| Frank Lampard | Jul 2019 to Jan 2021 | 0 | 0 | 0 | 0 | 0 | 0 | 0 |
| Thomas Tuchel | Jan 2021 to Sep 2022 | 0 | 1 | 0 | 0 | 0 | 2 | 3 |
| Graham Potter | Sep 2022 to Apr 2023 | 0 | 0 | 0 | 0 | 0 | 0 | 0 |
| Competition totals | 5 | 2 | 2 | 5 | 3 | 4 | 21 |
Hadda kooxda Chelsea waxaa hoggaankeeda loo dhiibay Mauricio Pochettino oo garanaya horyaalka Premier League maadaama uu horay uga soo shaqeeyey.
Rikoorkiisa Premier League ee Pochettino kooxihii uu soo maray:-
𝗦𝗼𝘂𝘁𝗵𝗮𝗺𝗽𝘁𝗼𝗻:
▪️ 54 Kulan
▪️ 19 Guulo
▪️ 18 Barbaro
▪️ 17 Guuldarrooyin
▪️ 73 dhalisay, 66 laga dhaliyey.
Tottenham:
▪️ 202 Kulan
▪️ 113 Guulo
▪️ 43 Barbaro
▪️ 46 Guuldarrooyin
▪️ 372 Dhalisay, 206 Laga dhaliyey.
Yeelkeede aqoontiisa uu u leeyahay horyaalka Premier League macallin Pochettino uma dammaanad qaadeyso inuu sanado badan sii haysan karo shaqadiisa Blues.
Astaan Sports
