RASMI: Lambarka uu Jude Bellingham u xiran doono kooxdiisa cusub ee Real Madrid oo la shaaciyey
Kooxda Real Madrid ayaa maanta soo bandhigtay xiddigeeda cusub ee Jude Bellingham kaddib markii uu tijaabada caafimaad maray, waxaana lagu soo bandhigay xaflad kooban oo lagu qabtay garoonka Bernabeu.
Munaasabadda lagu soo bandhigayay Jude Bellingham waxaa ka soo qeyb-galay Madaxweynaha naadiga, halyeeyo kooxda ah, qoyska ciyaaryahanka iyo marti kale.
Los Blancos ayaa shaacisay in Jude Bellingham uu kooxda u xiran doono lambar ay uga siibeen xiddig haatan ku ciyaarayay.
Waxa uu kooxda Real Madrid u xiran doonaa Jude Bellingham lambarka 5-aad oo uu naadigaas u wada jiray Zinedine Zidane, waxaana lambarkaas looga saaray Jesús Vallejo.
Markii uu tijaabada caafimaad ka gudbay, ila markaana heshiiska cusub qalinka ugu duugay kooxda maanta oo Khamiis ah ayaa gudaha garoonka lagu soo bandhigay isagoo sare u haya maaliyadda kooxda Real Madrid oo uu ku xardhan yahay magaciisa Bellingham iyo lambarka 5-aad, waxaana hareer taagnaa Madaxweynaha kooxda.
Jude Bellingham ayaa lambarka 5-aad oo uu xiran doono waxaa kooxda Real Madrid u soo xirtay xiddigo halyeeyo ahaa oo ay ku jiraan Fernando Hierro, Raphael Varane iyo Zinedine Zidane.
Bellingham ayaa lambarka shanaad looga qaaday Jesús Vallejo, kaasoo isna haatan kooxda u xiran doona lambarka 24-aad.
Dhinaca kale xiddiga reer England ee Bellingham ayaa hadal kooban oo uu ka jeediyey munaasabadda lagu soo bandhigayay ugu mahadceliyey kooxdiisii hore ee Dortmund, waxaana uu xusay inuu aad ugu faraxsan yahay inay u rumowday riyadiisii ahayd inuu u ciyaaro kooxda ka dhisan caasimadda Spain ee Real Madrid.
Astaan Sports
