RASMI: Toni Kroos oo heshiiska u cusboonaysiiyey kooxdiisa Real Madrid

Xiddigan khadka dhexe ee reer Jarmal, Toni Kroos ayaa kooxda ka dhisan caasimadda Spain ee Real Madrid u saxiixay heshiis cusub oo socon doona ilaa bisha 30-ka bisha June sanadka 2024.

Toni Kroos oo Real Madrid ku soo biiray 2014 ayaa u saftay 417 kulan, waxaana sagaal xilli ciyaareed oo uu ku sugnaa kooxda kula guuleystay 20 koob.

Koobabka uu Kroos kula guuleystay kooxda Real Madrid muddadii uu ku sugnaa waxa ay kala yihiin; 4 Champions League, 5 koobka kooxaha Adduunka ah (Club World Cup), 4 European Super Cup, 3 horyaal, 1 Copa del Rey iyo  3 Spanish Super Cup.

Heshiiska cusub oo uu maanta Toni Kroos qalinka ku duugay ayaa ka dhigan in 10 xilli ciyaareed uu ku qaadan doono kooxda cad-cadka ee Real Madrid.

Astaan Sports