RASMI: Kooxda AC Milan oo shaacisay lambarka cusub ee uu u xiran doono Rafael Leao

Kooxda kubadda cagta AC Milan ayaa shaacisay in Rafael Leao uu xilli ciyaareedka soo socda u xiran doono Lambarka 10-aad.

Xiddiga reer Portugal ayaa dhowaan heshiiska u cusboonaysiiyey Naadiga Rossoneri, waxaana uu xilli ciyaareedka cusub kooxda u xiran doonaa lambar cusub oo ah kan 10-aad ee kooxda.

Brahim Diaz ayaa lambarka 10-aad Kooxda AC Milan u xiranaa xilli ciyaareedkii hore, waxaana uu joojiyey heshiiskii amaahda ahaa ee uu kula joogay Milan, isagoo dib ugu laabtay Real Madrid.

24-sano jirkaan Leao ayaa dhaliyey 43 gool, waxaana uu sameeyey 36 caawin 163 kulan oo uu saftay kaddib markii uu ku soo biiray kooxda AC Milan sanadkii 2019.

Astaan Sports