Tartanka kubbadda cagta Astaan Cup ayaa shalay ka furmay magaalada Muqdisho gaar ahaan garoonka Macquul Stadium ee degmada Waaberi.
Tartankan oo ah mid sanadle ah waxaa shirkada Astaan Tv ay u qabataa dhammaan shaqaalaha shirkada, iyadoo lagu casuumo qaar kamid ah macalimiinta hoggaamiyo kooxaha ka dhisan dalkeenna saddex heer ay ka kooban yihiin.
Shalay waxaa kulanka furitaanka ka soo qaybgalay madaxda ciyaaraha gobolka Banaadir, Maamulka shirkada Astaan Tv, qaar kamid ah guddoomiyaasha Sports-ka Degmooyinka, iyo marti sharaf kale oo lagu casuumay.
Kulanka furitaanka oo ahaa mid aad u adag waxa uu dhex-maray kooxaha ku wada jiro guruubka A ee kala ah Astaan Filimis iyo Macalimiinta, labada dhinac ayaa soo bandhigay ciyaar qurux badan waxaana natiijada kulanka ay ku soo dhammaatay 4-3 oo ku adkaatay kooxda Macalimiinta.
Tartanka Astaan Cup oo mid sanadle ah ayaa sanadkan xiiso gaar ah leh iyadoo garoonka Macquul ay soo camiraan qaar kamid ah dhalinyarada jacel daawashada ciyaaraha kubbadda cagta.
