RASMI: Kooxda Paris Saint-Germain oo ku dhawaaqday saxiixa Milan Skriniar

Kooxda kubadda cagta Paris Saint-Germain ayaa shaacisay saxiixa Milan Skriniar oo ay kala soo wareegeen naadiga Inter Milan ee dalka Talyaaniga.

Milan Skriniar waxa uu shanta xilli ciyaareed ee soo aaddan ku sugnaan doona kooxda ka dhisan caasimadda Faransiiska ee PSG.

Daafacan reer Slovakia ayaa qalinka ugu duugay kooxda PSG heshiis ku eg ilaa 30-ka bisha June ee sanadka 2028.

Markii uu heshiiska cusub u saxiixay PSG xiddigan Milan Škriniar ayaa yiri: “Aad ayaan ugu faraxsanahay inaan ka mid noqdo kooxdan cajiibka ah”

“PSG waa mid ka mid ah kooxaha ugu awoodda badan adduunka oo haysata ciyaartoy heer caalami ah iyo taageerayaal cajiib ah.” ayuu hadalkiisa raaciyey.

Astaan Sports