Xulka Nigeria oo u soo baxay wareegga 16-ka koobka Adduunka haweenka.

Nigeria ayaa barbaro goolal la’aan ah la gashay Ireland si ay ugu soo baxdo wareega 16-ka ee koobka Adduunka haweenka.

Xulka Nigeria ayaa ku dhameystay kaalinta labaad ee Group B iyagoo ka danbeeya xulka Australia.

Qaybtii hore ee ciyaarta Gabdhaha Nigeria ayaa sameeyay iskudayo badan si ay u helaan gool waxay u baahnaayeen saddex dhibcood si ay ugu soo baxaan kaalinta koowaad ee guruubka B.

Hase yeeshee waxaa ka badbaadisay kubbado halis ah gabadha goosha u ilaaliso xulka Ireland  Courtney Brosnan ciyaarta ayaana ku soo dhammaatay 0-0.

Gabdhaha Nigeria ayaa 3-2 ku garaacay gabdhaha Australia usbuucii hore, Nigeria ayaa ku soo baxday kaalinta labaad ee Group B, waxay isniinta soo socota la ciyaari doonaan kooxda ku soo baxda Group D kaalinta koowaad ciyaartan ayaa lagu ciyaari doonaa magaalada Brisbane ee dalka Australia..

Nigeria ayaa wajihi karto xulalka kala ah England, Denmark, ama China midkii ku soo baxo kaalinta koowaad.