SAWIRRO: Kooxda Waxool oo guul muhiim ah ka gaartay Raadsan tartanka k/cagta General Daa’uud 2023.
Kooxda Waxool ayaa guul muhiim ah ka gaartay naadiga Raadsan kulan ka tirsanaa lugta koowaad ee tartanka kubadda cagta General Daa’uud 2023, wareeggiisa 16-ka.
Labada kooxood ayaa soo bandhigay ciyaar weerar iyo weerar celis ah waxaana hoggaanka u dhiibay kooxda Waxool ciyaaryahanka lambarka 3-aad Cabdweli Maxamuud Aadan kaasoo dhammeystiray kubbad ahayd gees-laad uu gacata ku soo celiyay goolhayaha kooxda Raadsan.
Marka dib la isugu soo laabtay qaybtii labaad ee cayaarta kooxda Raadsan waxay sameeyeen iskudayo ay ku doonayeen iney ku soo celiyaan barbaro hase yeeshee natiijada cayaarta ayaa ku soo dhammaatay 1-0 oo ku adkaatay kooxda Waxool.
Labada kooxood ayaa wada ciyaari doono lugta labaad ee wareegga 16-ka tartanka koobka General Daa’uud 2023, toddobaadka dambe kulankaasi ayaa lagu xaqiijin doona kooxdii u gudbi lahayd wareegga sideed dhammaadka tartanka kubadda cagta General Daa’uud 2023.
