Waqtikee la ciyaari doona kulamada afar dhammaadka koobka k/kolayga General  Daa’uud 2023…?

Xiriirka kubadda Kolayga ayaa ku dhawaaqay xilliga la ciyaarayo kulamada afar dhammaadka  iyo Fiinaalka koobka kubadda Kolayga General  Daa’uud 2023.

Shir ay isugu yimaadeen guddiga tartanka Xiriirka Soomaaliyeed ee kubadda Kolayga ayay ku go’aamiyeen in kulamada afar dhammaadka  koobka kubadda Kolayga General  Daa’uud la ciyaari  doono 14 iyo 15 Agoosto ,halka Final-ka la ciyaari doona 18-ka Agoosto 2023.

Kulamada afar dhammaadka ayaa waxaa wada ciyaari doono kooxaha kubbadda kolayga Gift Star vs Dekedaha 14-ka bishan Agoosto 2023.

Halka kulanka labaad ay wada ciyaari doonaan kooxaha kubbadda kolayga Heegan vs Horseed 15-ka bishan Agoosto 2023.

Kulanka fiinaalka ayaa la qorsheeyay in la ciyaaro 18-ka bishan Agoosto 2023.