SAWIRRO: Horseed oo isku diyaarineysa afar dhammaadka koobka K/koleyga General Daa’ud 2023.
Kooxda kubbada koleyga Horseed ayaa ku jirto isku diyaarinta ciyaarta afar dhammaadka koobka kubbadda koleyga General Daa’uud kaas oo la ciyaari doono 15-ka bishan Agoosto 2023.
Kooxda Horseed ayaa la ciyaari doonto dhigooda Heegan, kulankan ayaa ah mid aad u adag madaama labada kooxood ay ku xifaaltamaan tartankan kubbadda koleyga.
Horseed ayaa sameysay tababar ka hor kulankaasi qaar ka mid ah xiddigaha kooxda Horseed oo la hadlay Astaan Sports ayaa sheegay iney rajo weyn ka qabaan iney ku guuleysan doonaan tartanka k/koleyga General Daa’uud 2023.
Kulamada afar dhammaadka ayaa waxaa wada ciyaari doono kooxaha kubbadda kolayga Gift Star vs Dekedaha 14-ka bishan Agoosto 2023.
Halka kulanka labaad ay wada ciyaari doonaan kooxaha kubbadda kolayga Heegan vs Horseed 15-ka bishan Agoosto 2023.
Kulanka fiinaalka ayaa la qorsheeyay in la ciyaaro 18-ka bishan Agoosto 2023.
