SAWIRRO: Kooxda Elman SC oo kulan macsalaamayn u samaysay Yuusuf Cali Nuur Cali.
Kooxda kubbadda cagta Elman SC ayaa kulan macsalaamayn u samaysay Yuusuf Cali Nuur Cali oo loo magacaabay tababare ku xigeenka xulka qaranka Soomaaliya.
Xiriirka kubbadda Cagta Soomaaliya ayaa 7-dii bishan Agoosto 2023, magacaabay macalinka koowaad ee xulka qaranka Soomaaliya iyo ku xigeenkiisa waxaana loo kala magacaabay Rachid Lousteque oo u dhashay dalka Morooco macalinka koowaad halka Yuusuf Cali Nuur loo magacaabay macalink ku xigeenka xulka qaranka Soomaaliya.
Kooxda kubbadda cagta Elman Sc ayaa kulan macsalaameyn ah u sameysay Yuusuf Cali Nuur Cali oo ahaa labadii sano la soo dhaafay madaxa farsamada kooxda, waxaana kulankan goob joog u ahaa masuuliyiinta ugu sarreyso kooxda Elman SC.
Macalin Yuusuf Cali Nuur Cali oo an qabiir si wayn ula socdo ciyaaraha dalka ayaa horey u soo hoggaamiyay kooxo waaweyn oo ka dhisan horyaalka heerka koowaad Somali Premier League, iyadoo xusid mudan tahay inuu guulo waaweyn la gaaray kooxda Dekedaha.
Ma ahan markii ugu horreysay ee loo magacaabo macalinka labaad ee xulka qaranka Soomaaliya Yuusuf Cali Nuur Cali waana markii labaad oo loo magacaabo xilkan.
