Kylian Mbappe oo Parc des Princes ku sugnaa kulankii xalay.
Kylian Mbappe ayaa tarabuunka ka daawaday kulankii xalay kooxdiisa ay la ciyaartay kooxda Lorient, ciyaartaasi oo ku soo dhammaatay barbaro 0-0 ah, Paris St-Germain ayaa ku bilaabatay horyaalka Ligue 1 iyadoo ay ka maqan yihiin Kylian Mbappe iyo Neymar.
Mustaqbalka Neymar iyo Kylian Mbappe ayaan la hubin iyadoo labadoodaba lala xiriirinayo inay baxayaan, waxaana laga saaray kulanka furitaanka xilli ciyaareedka cusub 2023/24.
Ciyaaryahanka khadka dhexe ee Paris St-Germain Manuel Ugarte ayaa ku dhawaaday inuu gool u dhaliyo kooxdiisa laakiin taasi ma dhicin.
Ma ahayn bilowg u fiican tababaraha cusub ee PSG Luis Enrique, kaasoo loo magacaabay beddelka Christophe Galtier.
Sidoo kale waxaa tarabuunka ka daawanayay weeraryahanka France Ousmane Dembele, kaasoo PSG kaga soo biiray Barcelona 43.5 milyan ginni shalay galinkii hore.
Mbappe ayaan tababarka la qaadan kooxda kowaad ee PSG kadib markii uu kooxda ku wargaliyay in uuna heshiiska u kordhinayn xagaaga dambe.
PSG ayaa doonaysa in ay Mbappe iska iibiso halkii uu bilaash ku bixi lahaa 24 jirkan ayaa si weyn loola xiriirinayaa Real Madrid.
