Neymar Jr oo tijaabada caafimaad u maraya kooxda Al Hilal
Weeraryahanka PSG ee Neymar Jr ayaa tijaabada caafimaad u maraya ka hor inta uusan dhammaystirin ku biiristiisa kooxda Al Hilal.
Ciyaaryahanka kooxda Paris Saint-Germain ee Neymar ayaa qarka u saaran inuu ku biiro kooxda ka ciyaarta horyaalka Saudi Pro League ee Al Hilal, waxaana uu u marayaa tijaabada caafimaadka.
Neymar Jr oo 31 sano jir ah ayaa haddii uu ka gudbo tijaabada caafimaadka waxa uu qandaraas labo sanadood ah qalinka ugu duugi doonaa kooxda Al Hilal.
Ilaa iyo hadda labada kooxood ma xaqiijin heshiiska Neymar, balse warbaahinta inteeda badan ayaa warinaya in weeraryahanku uu ku biirayo waqti aan dheereyn kooxda Al Hilal.
Xiddiga xulka qaranka Brazil ayaa PSG u ciyaaray dhammaan kulamadii isdiyaarinta xilli ciyaareedka cusub, laakiin todobaadkii la soo dhaafay ayaa la sheegay in isaga iyo xiddiga khadka dhexe ee Marco Verratti loo caddeeyey inaysan ku jirin qorshaha xilli ciyaareedka cusub ee tababare Luis Enrique.
Astaan Sports
