Gabriel Magalhae oo dalab ka helayo kooxo ka dhisan horyaalka Saudi Arabia
Kooxaha ka dhisan horyaalka Saudi Arabia ayaa lagu soo waramayaa inay xiiseynayaan saxiixa daafaca Arsenal Gabriel Magalhaes.
Tan iyo markii horyaalka Sacuudiga uu ku biiray Ronaldo waxaa halkaasi tagay qaar kamid ah ciyaartoyda magaca leh ee horyaalada Yurub oo qayb ka yihiin, Jordan Henderson, Roberto Firmino, N’Golo Kante, Riyad Mahrez, Karim Benzema, Sadio Mane, iyo xiddigo kale ayaa ku biiray horyaalka sucuudiga.
Xiddiga reer Brazil Neymar ayaa ahaa saxiixii ugu weynaa ee ku biiray horyaalka sucuudiga gaar ahaan kooxda Al-Hilal.
Sida laga soo xigtay wargayska Mirror Daafaca Arsenal ee Gabriel ayaa diidara u saaran kooxaha sucuudiga kuwaas oo doonaya saxiixa xiddiga.
Gabriel Magalhae ayaa kamid ah daafacyada laf dhabarta ee kooxda Arsenal mana la hubo iney aqbali doonaan dalabaadka ka soo gaaro kooxaha Sacuudiga ka dhisan.
