Kaddib bixitaankii Neymar shax cajiib ah oo laga sameeyey xiddigaha reer Yurub ee aaday Sucuudiga

Kaddib markii uu xalay Neymar Jr ka mid noqday kooxda Al Hilal ee dalka Sucuudiga, waxaa shax cajiib ah laga sameeyey xiddigaha reer Yurub ee ka mid noqday horyaalka Saudi Pro League.

Horyaalka Sucuudiga ayaa muddooyinkii dambe shidmaya iyadoo xiddigaha reer Yurub ay ku sii qulqulayaan, markii Cristiano Ronaldo uu iska daariyey.

Ciyaaryahanka reer Brazil ee Neymar ayaa ah xiddigii ugu dambeeyey ee ku biira horyaalka Sucuudiga, waxaana uu kooxda Al Hilal qalinka ugu duugay qandaraas labo sanadood ah.

Xiddigo waa weyn oo caan ka ah qaaradda Yurub ayaa Neymar kaga sii horreeyey dalka Sucuudiga, sida Ronaldo, Benzema, Mane iyo kuwo kale.

Dhinaca kale Verratti ayaan isagu weli heshiiskiisa Sucuudiga la shaacin, balse waxa uu ku dhow yahay inuu ka mid noqdo kooxda Al Hilal.

Haddaba markii la xaqiijiyey in Neymar uu ka mid noqday xiddigaha ka ciyaari doona horyaalka Sucuudiga, waxaa shax cajiib ah laga sameeyey xiddigaha waa weyn ee aaday dalkaasi kuwaasoo ka ciyaari jiray qaaradda Yurub.

Astaan Sports