SAWIRRO: Koob lagu xusayo sanadguuradiii 12-aad ee Jaamacadda Jamhuuriya oo lagu qabtay Muqdisho.
Kulan lagu maamuusayay Sanadguuradii 12-aad ee Jaamacadda Jamhuuriya ayaa shalay lagu ciyaaray garoonka kubbadda cagta Macquul Stadium ee Degmada Waaberi.
ciyaartan oo u dhexeysay Ardeyda dhigayto Jaamacadda Jamhuuriya & Ardeyda ka qalin jabisay, ayaa soo bandhigay ciyaar aad qurux badan waxaana natiijada ay ku soo dhammaatay 1-0 oo ku adkaadeen Ardeyda hadda dhigato Jaamacadda.
Waxaa garoonka ku sugnaa masuuliyiin ka tirsan Jaamacadda Jamhuuriya waxaana ka mid ahaa Madaxa xafiiska Ardeyda Mowliid Aadan Diiriy iyo Guddoomiyaha Qalinjabiyaasha Jaamacadda Jamhuuriya Dr.Maftuux Maxamed Cabdi, oo dhammaadkii ciyaarta qudbado kooban ka jeediyay sida ay u arkaan ciyaartan ay soo bandhigeen labada dhinac iyo sanadguurada 12-aad ee Jaamacadda.
Markii ay ciyaarta soo dhammaatay waxaa la guddoonsiiyay koob qurux badan kooxdii guuleysatay iyadoo sidoo kale la bixiyay abaal-marino kale oo la siiyay dhammaan ciyaartoyda ciyaaray kulankan lagu maamusayay sanadguuradii 12-aad ee Jaamacadda Jamhuuriya.
