Kooxda kubadda cagta Ciidanka Asluubta ayaa guul muhiim ah ka gaaray dhiggooda Goodir kulan baaqi isugu ahaa labadan kooxood oo ku tirsan horyaalka kooxaha heerka koowaad ee caasimadda Somaliland.
Asluubta ayaa 2-1 xalay ku jiirtay Goodir iyadoo kooxda Asluubtu sare u soo kacday xagga dhibcaha waxaana ay yeelatay 15 dhibcood, halka kaalinta koowaad ay Kooxda Maaliyaddu ku fadhiso 17 dhibcood.
Dhinaca kale kooxda DHH ayaa leh 15 dhibcood, maadaama ay kulankoodii ugu dambeeyey ay barbaro galeen.
Si kastaba ha ahaatee, horyaalka kooxaha heerka koowaad ayaa noqday mid koox kasta ay u dagaallamayso figta sare ee kala sarreynta iyo hanashada horyaalka heerka koowaad ee Hargeysa.
Astaan Sports
