Daafacii hore ee Liverpool Jamie Carragher ayaa su,aal ka keenay qaab ciyaareedka saxiixa cusub ee kooxda Chelsea Moises Caicedo kulankii ugu horreeyay uu u ciyaaro kooxdiisa Chalsea.
Ciyaaryahanka khadka dhexe ayaa ku bilowday kaydka kulankii Westaham laakiin waxa uu beddel ku soo galay 25-kii daqiiqo ee ugu dambeeyay iyadoo kooxdiisa lagu hoggaaminayo 2-1.
Inkastoo Caicedo uu ciyaaray waqti kooban haddane wuxuu dhaleeceen kala kulmay daafacii hore ee Liverpool Jamie Carragher kaasoo sheegay inuusan lahayn kalsooni iy deganaan loona baahnaa inuu muujiyo.
Kooxda Chalsea ayaa lagu ciqaabay qalad uu galay Caicedo kaddib markii diilinta ganaaxa ku jilaafay xiddiga kooxda Westaham Emerson taas oo keentay in garsooraha uu ka dhigo gool-kulaad daqiiqadii 93-aad ee ciyaarta, natiijada kulanka ayaana ku soo dhammaatay 3-1 oo lagu garaacay kooxda Chalsea.
Jamie Carragher oo ah falanqeeye sports kana tirsan kanaalka Sky Sport ayaa ku tilmaamay Caicedo inuusan wax weyn ku soo kordhin kooxdiisa cusub wallow uu ciyaaray daqiiqado kooban.
Si kastaba kooxda Chalsea ayaa xilli ciyaareedkii hore ku dhammaysaysatay kaalinta 12-aad iyadoo naadiga ay ku baxday lacag dhan 1-bilyan oo dollar tan iyo markii uu iibsaday milkiilaha cusub Todd Boehly sanadkii 2022-ka.
