Dugsi Al-Nasiib oo u soo gudbay wareegga afar dhammaadka tartanka Iskuulada Gobolka Banaadir.
Dugsi Al-Nasiib ayaa u soo gudbay wareegga afar dhammaadka tartanka kubbadda cagta Iskuulada gobolka banaadir kaddib markii ay ka adkaadeen dugsiga Golobal 1.
Kulankan oo ka tirsanaa wareegga sideed dhammaadka tartanka kubbadda cagta Iskuulada gobolka banaadir oo lagu ciyaaray garoonka Eng-yariisow ee degmada Cabdicasiis ayaa ku soo dhammaaday waqtigii loogu talagalay 0-0 oo labada dhinac isku mari waayeen.
Sida sharciga ah waxaa lagu kala saaray gool-kulaadyo waxaana 3-2 ku adkaaday Dugsi Al-Nasiib oo iska xaadiriyay wareegga afar dhammaadka tartanka Iskuulada gobolka Banaadir.
Dugsi Al-Nasiib ayaa la ciyaari doona wareegga afar dhammaadka Iskuulka Imaamu-Saqaawi oo dhankooda gool-kulaadyo kaga adkaaday dugsiga Aynu-Raxma wareegga sideed dhammaadka tartanka kubbadda cagta Iskuulada gobolka Banaadir.
Jadwalka kuma qorno xilliga sida rasmiga ah loo ciyaari doona wareegga afar dhammaadka tartanka Iskuulada hase yeeshee waxaa la filayaa in toddobaadkan la ciyaaro.
