Kooxaha MCC & Jazeera oo galabta wada ciyaari doono lugta labaad koobka General Daa’uud 2023.
Kooxaha MCC & Jazeera ayaa galabta wada ciyaari doono lugta labaad wareegga sideed dhammaadka tartanka kubbadda cagta General Daa’uud 2023.
Kooxda MCC ayaa guul dirqi ka gaartay lugta koowaad kooxda Jazeera ciyaartaasi oo ku soo dhammaatay 1-0 gool yimid daqiiqadihii ugu dambeeyay ee ciyaarta.
Kooxda MCC waxaa ku filan barbaro lugta labaad ee galabta ay la ciyaareyso kooxda Jazeera haddii ay sidaasi dhacdo waxay sugi doontaa kooxaha Horseed & Dekadaha, kooxdii u soo gudubto wareegga afar dhammaadka koobka General Daa’uud 2023.
Halka kooxda Jazeera ay galabta u baahantahay wax ka badan hal gool si ay u soo gudubto haddii ciyaarta ay ku dhammaato 1-0 oo ku adkaato kooxda Jazeera, waxaa labada dhinac lagu kala saari doonaa gool-kulaadyo sidoo kale barbaro kasto ay ku dhammaato ciyaarta, waxaa ku soo bixi doonto kooxda MCC.
