Kooxaha Elman & Heegan ayaa galabta garoonka Eng-yariisow ku wada ciyaari doono kualn ka tirsan lugta labaad wareegga sideed dhammaadka tartanka kubbadda cagta General Daa’uud 2023.
Kooxda kubbadda cagta Elman ayaa guul ka soo gaartay Heegan lugta koowaad wareegga sideed dhammaadka tartanka kubbadda cagta General Daa’uud 2023.
Kooxda Elman ayaa ku adkaatay gool uu dhaliyay ciyaaryahanka lambarka 14-aad Cabdifitaax Geeseey oo ciyaarta beddel ku soo galabay lugtii koowaad wareegga sideed dhammaadka koobka General Daa’uud 2023.
Ciyaarta galabta ayaa go’aamin doonto kooxda u gudbi doonto wareegga afar dhammaadka tartanka kubbadda cagta General Daa’uud 2023, Elman ayaa u baahan kaliya barbaro halka kooxda Heegan ay u baahan tahay in ay ku badiso wax ka badan hal gool si ay u xaqiijiyaan wareegga xiga.
Kooxaha Elman & Heegan kooxdii soo baxdo ayaa sugi doonto Gaadiid iyo Waxool oo wada ciyaari doono lugta labaad wareegga sideed dhammaadka tartanka General Daa’uud 2023 maalinta Talaadada oo taariikhdu tahay 05/09/2023 garoonka Eng-yariisow ee degmada Cabdicasiis.
