Kooxda kubbadda cagta MCC ayaa iska xaadirisay wareegga afar dhammaadka tartanka kubbadda cagta General Daa’uud 2023, kaddib markii ay barbaro la gashay kooxda Jazeera.
Ciyaarta oo ahayd mid aad u adag labada dhinac ayaa soo bandhigay ciyaar awood ahaan garbo siman waxayna natiijada ku soo dhammaatay 4-4 taasoo ay ku soo baxday kooxda MCC maadaama lugtii koowaad ay 1-0 ay ku soo garaaceen kooxda Jazeera, celcelis ahaan kooxda MCC ayaa ku soo baxday 5-4 labada lug ay la ciyaareen kooxda Jazeera.
Kooxda MCC ayaa sugi doonto midkood kooxaha Horseed iyo Dekedaha kooxdii u soo gudubto wareegga afar dhammaadka, labada kooxood ayaa lugtii koowaad ciyaartooda ku soo dhammaatay 2-2 waxaana maalinta beri oo isniin ah ay ciyaari doonaan lugta labaad wareegga sideed dhammaadka tartanka kubbadda cagta General Daa’uud 2023.
