SAWIRRO: Kooxda Elman SC oo u gudubtay wareegga afar dhammaadka General Daa’uud 2023.
Kooxda kubbadda cagta Elman SC ayaa u gudubtay wareegga afar dhammaadka tartanka kubbadda cagta General Daa’uud 2023, kaddib markii 2-1 kaga adkaadeen kooxda Heegan.
Dhammaan goolasha qaybtii labaad ee ciyaarta ayaa la iska dhaliyay weeraryahanka kooxda Heegan Abdikaadir Eynow ayaa lagu jilaafay diilinta ganaaxa waxaana garsooraha dhexe ee ciyaarta uu u dhigay gool-kulaad kooxda Heegan daqiidii 5-aad waxaana gool u beddelay Abdikaadir Eynow.
Kooxda Elman daqiiqado badan kuma qaadan iney iska soo barbareeyaan goolka waxaana daqiiqadii 13-aad ciyaarta barbaro 1-1 ku soo celiyay weeraryahanka kooxda Elman Stephen kaddib markii madax ku hubsaday shabaqada kooxda Heegan.
Kooxda Elman oo bandhig wanaagsan soo bandhigtay qaybtii koowaad ee ciyaarta ayaa heshay goolkii guusha kaddib markii uu hoggaanka ciyaarta u dhiibay Cabdixaafid daqiiqadii 20-aad natiijada ciyaarta ayaana ku soo dhammaatay 2-1 oo ku adkaatay kooxda Elman.
Kooxda Elman ayaa sugi doonto Gaadiid iyo Waxool midkood kooxdii u soo gudubto wareegga afar dhammaadka, labada kooxood ayaa wada ciyaari doono lugta labaad wareegga sideed dhammaadka tartanka General Daa’uud 2023 maalinta Talaadada oo taariikhdu tahay 05/09/2023 garoonka Eng-yariisow ee degmada Cabdicasiis.
