Tan iyo markii uu ku biiray kooxda kubbadda cagta Elman SC, goolhaye Saciid Yamani kaliya waxa uu ciyaaray koobka General Daa’uud Cup 2023 waxaana lugta ka soo gaaray dhaawac jab ah
Fiinaalkii koobka General Daa’uud Cup 2023, ayaa dhaawac looga saaray tan iyo markii uu Dekedaha ka tagay waxa uu noqday ciyaaryahanka ugu dhaawaca badan xiddigaha ka ciyaaro dalka.
Goolahaye Saciid Yamani ayaa saddex jeer horey u maray qaliin mar uu ka tirsanaa kooxda MCC iyo mar uu ku soo dhaawacmay isagoo gudanayo waajibaadka qarank.
Saciid Yamani ayaa ka soo tagay kooxda MCC bilo ka hor waxaana uu ku soo biiray Elman intii uu socday koobka General Daa’uud Cup waxa uu shabaqiisa ilaashaday labo kulan wuxuuna kooxdiisa gaarsiiyay fiinaalka inkastoo ay guuldarro 2-0 ah ay kala kulmeyn kooxda Dekedaha.
Kooxda Elman war rasmi ah kama soo saarin waqtiga uu garoomada ka maqnaan doono goolahaye Saciid Yamani, hase yeeshee waxaa lagu qiyaasayaa muddo lix bilood ah waxaana uu seegi karaa bilowga xili ciyaareedka cusub Somali Prmier League.
