Waxaa lagu dhawaaqay xilliga la ciyaari doono fiinaalka tartanka kubbadda cagta iskuulada gobalka banaadir oo iskugu soo hareen iskuulada kala ah Macalin Jaamac & Global School.
Fiinaalka tartanka ayaa la ciyaari doonaa maalinta khamiista oo taariikdu tahay 21/09/2023 iyadoo lagu ciyaari doono garoonka kubbadda cagta Eng-yariisow ee degmada Cabdicasiis.
Tartanka iskuulada gobolka banaadir waxaa sannadkan 2023 ka qeybgalay 32-iskuul oo ku yaalo gobalka banaadir waxaana uu soo maray heerar kala duwan.
Iskuulada kala ah Macalin Jaamac & Global School ayaa ku jiro diyaar garowgii ugu dambeeyay labada iskuul ayaa muujiyay awood ciyaarihii ay soo ciyaareen inta uu socday tartanka, kulankan ayaa noqon doono mid kamid ah kulamada ugu adag tartanka kubbadda cagta iskuulada gobalka banaadir.
