SAWIRRO: Tartanka Kubbadda cagta dugsiyada degmada Heliwaa oo shalay ka furmay garoonka SOS.
Tartan kubbadda cagta oo soo qaban-qaabiyeen maamulka Degmada Heliwaa ayaa shalay ka furmay garoonka kubbadda cagta Sos Stadium ee Degmada Heliwaa.
Tartankan waxaa ka qaybgalayo 16-Iskuul oo ka mid ah Iskuulada ku yaalo Degmada Heliwaa waana markii ugu horreysay ee lagu qabto Degmada Heliwaa tartan noocaan oo kale ah.
Furitaanka tartanka waxaa ka soo qaybgalay madax ka socotay Maamulka Ciyaaraha Gobalka Banaadir iyo marti sharaf kale oo lagu casuumay, sidoo kale waxaa xaadir ku ahaa garoonka Sos dhammaan Iskuulada ka qaybgalayo tartanka dugsiyada Degmada Heliwaa.
Ciyaarta furitaanka oo ahayd mid aad u adag waxaa wada ciyaaray dugsiyada kala ah Dalsan iyo Sos ciyaar qurux badan ay soo bandhigeen labada dhinac waxaa natiijada ciyaarta ay ku soo dhammaatay 1-0 oo ku adkaaday Iskuulka Dalsan.
