Kooxaha Jubba & Baroolka ayaa shalay wada ciyaaray kulan ka tirsanaa horyaalka heerka labaad ee dalka, labada kooxood ayaa isku mari waayay barbaro 1-1 ah.
Qaybtii koowaad ee ciyaarta kooxda Jubba FC ayaa hoggaanka ciyaarta la wareegtay kaddib gool uu u dhaliyay ciyaaryahanka lambarka 9-aad Cabdiraxiin daqiiqadii 20-aad ee ciyaarta waxaana lagu kala nastay 1-0 oo hoggaanka ku haysay kooxda Jubba FC.
Marka dib la isugu soo laabtay qaybtii labaad ee ciyaarta kooxda Baroolka ayaa laga saaray ciyaaryahanka labarka 5-aad, Nuur inkastoo ay 10 ciyaartoy ku ciyaarayeen qaybtii labaad taasi kama hor istaagin iney iska soo barbareeyaaan goolka, waxaana ay heleen goolka barbaraha kaddib markii lagu abaalmariyay gool kulaad uu qaladkeedii lahaa goolyahay kooxda Jubba FC, waxaana gool u beddelay lambarka 9-aad ee kooxda Batroolka ee lagu magacaabo Ayuub qaybihii dambe ee ciyaarta natiijada kulanka ayaana ku soo dhammaatay 1-1.
Wejiga koowaad ee horyaalka heerka labaad ee dalka oo weli si xiiso leh ugu socdo garoomada kubbadda cagta ee kala ah Eng-yariisow iyo Muqdisho Stadium, waxaa haatan hoggaanka u hayo kooxda Gasko oo leh 16-dhibcood waxaa kaalinta labaad ku jirto kooxda Jamuuriya oo leh 15-dhibcood halka kaalinta sedexaad ay ku jirto Somali Friut oo leh 14 dhibcood.
