Kooxaha Somali Fruit & Waxool ayaa wada ciyaaray kulan ka tirsanaa horyaalka heerka labaad ee dalka, labada kooxood ayaa soo bandhigay ciyaar awood ahaan garbo siman taasoo keentay iney ku kala baxaan barbaro goolal la’aan.
Wejiga koowaad ee horyaalka heerka labaad ee dalka ayaa weli si xiiso leh ugu socdo garoomada kubbadda cagta ee kala ah Eng-yariisow iyo Muqdisho Stadium, waxaana u soo daabasho tago qaar ka mid dhallinyarada ku nool degmooyinka kale duwan ee Muqdisho kuwaasi oo aad u xiiseeyo daawashada ciyaaraha kubbadda cagta.
Horyaalka heerka labaad ee dalka waxaa hoggaanka u hayo kooxda Jamhuuriya FC inkastoo haddii kooxda Gasco ay ka adkaato kulanka maanta ay wajaheyso kooxda Ummah Hosoitaal ay dib ugu soo laaban doonto hoggaanka horyaalka heerka labaad ee dalka.
kooxda Jamhuuriya ayaa hadda leh 18-dhibcood halka Gasco oo kulan baaqi ah gacanta ku haysato ay leedahay 16-dhibcood.
