Kooxaha kubbadda cagta Elman & Dekedaha oo ka mid kooxaha ka ciyaaro horyaalka heerka koowaad ee Somali Premier League, oo iskugu soo haray fiinaalka koob lagu maamusaayo ku biirista ay Soomaaliya ku biirtay ururka Bulshada Bariga Africa EAC ayaa galabta wada ciyaari doono ciyaarta kama dambeysta.
Tartankan waxaa loo qaybtay afar kooxood oo ka mid kuwa ugu adag ee ka ciyaaro Somali Premier League, iyadoo kulamadii horey loo soo ciyaaray ay kooxaha isku soo arkeen Jenyo & Dekadaha 3-1 oo ku adkaatay Dekedaha halka Elman 4-2 ay ku garaacday kooxda MCC.
Fiinaalka koobka lagu maamuusayo ku biirista ay Soomaaliya ku biirtay ururka Bulshada Bariga Africa EAC ayaa galabta la soo gabagabeen doonaa kaddib markii uu dib u dhacay geeridii ku timid allaha u naxariistee Wasiir Khadiijo Maxamed Diiriye oo ahayd wasiirkii Haweenka horeyna u soo noqotay wasiirka Dhallinyarad & Ciyaaraha Dowlada Soomaaliya.
Tartankan wuxuu tijaabo hordhac ah u yahay garoonka Muqdisho Stdium oo qalab cusub lagu soo kordhiyay ka hor bilaabashada tartanka maamul goboleedyada oo 29-ka bishan December ka furmi doono Muqdisho.
