SAWIRRO: Kooxda Dekedaha oo kulankii labaad barbaro gashay horyaalka Somali National League.
Kooxda kubbadda cagta Dekedaha ayaa barbaro la gashay kooxda Gigs SC kulan ka tirsanaa horyaalka Somali National League oo lagu ciyaaray garoonka kubbadda cagta Eng-yariisow ee Degmada Cabdicasiis.
Labada kooxood ayaa soo bandhigay ciyaar weerar & weerar celis ah waxaana jiray fursado ay abuureen labada dhinac oo aan gool noqon waxaana natiijada ciyaarta ay ku soo dhammaatay 0-0.
Kooxda Dekedaha ayaa gashay barbaro kulankii labaad oo xiriir ah horyaalka Somali National League kulankii hore waxay barbaro 1-1 ah la gashay kooxda difaacaneyso horyaalka Soomaaliya ee Gaadiidka.
kooxda Gigs SC ayaa heshay dhibicdii ugu horreysay horyaalka heerka koowaad Somali National League kaddib markii ay guuldarro ka soo gaartay kulankii furitaanka horyaalka kooxda Badbaado ciyaar lagu garaacay 2-0 taariikhda markii ay ahayd 31/12/2023.
Isa aragga wareegga koowaad ee horyaalka Somali National League 2023/2024 ayaa si xiriir ah loo ciyaari doonaa illaa 10/02/2024 sida ku cad jadwalka Xiriirka Soomaaliyeed ee Kubbadda cagta.
