Kooxaha Badbaado & Raadsan ayaa ku hishiiyay barbaro kulan ka tirsanaa horyaalka Somali National League oo lagu ciyaaray garoonka kubbadda cagta Eng-yariisow ee Degmada Cabdicasiis.
Qaybtii koowaad ee kulanka kooxda Badbaado ayaa hoggaanka la warreegtay kaddib markii uu gool u dhalliyay ciyaaryahanka lambarka 7-aad Cabdinajiib Xusseen daqiiqadii koowaad ee bilowgii hore ee kulanka.
Kooxda Badbaado oo si fiican ku bilaawatay 10-kii daqiiqo ee ugu horreysay ciyaarta ayaa la timid goolkii labaad ee kulanka waxaana u dhalliyay kabtankooka lambarka 8-aad Idiris Maxamed Bilaal oo ciyaarta ka dhigay 2-0.
Intaan la aadin qaybta nasashada kooxda Raadsan ayaa iska soo celisay hal gool waxaana u saxiixay xiddiga lambarka 7-aad Xassan Kaafi waxaana lagu kala nastay 2-1 oo hoggaanka ku haysay kooxda Raadsan.
Marka dib la isugu soo laabtay qaybtii labaad ee ciyaarta waxay labada dhinac soo bandhigeen ciyaar weerar & weerar celis ah taas oo fursad u siisay kooxda Raadsan iney hesho goolka barbaraha ciyaarta waxaana u saxiixay ciyaaryahankooda lambarka 15-aad Xassan Cabdi Xassan daqiiqadii 70-aad ee kulanka waxayna natiijada ciyaarta ku soo dhammaatay 2-2.
Labada kooxood ayaa wada leh min afar dhibcood, kooxda Raadsan ayaa kulankeedii koowaad ka soo adkaatay kooxda Midnimo halka Badbaado ay ciyaartii furitaanka horyaalka Somali National League ka soo adkaatay kooxda Jasiira.
Dhammaan ciyaaraha horyaalka toddobaadkan ayaa ku soo dhammaaday barbaro marka laga reebo kulankii Raadsan ay ka soo adkaatay kooxda Midnimo.
