Kooxda kubbadda cagta Raadsan ayaa guul muhiim ah ka gaartay dhiggeeda KIGS SC kulan ka tirsanaa horyaalka Somali National League, oo lagu ciyaaray garoonka kubbadda cagta Eng-yariisow ee Degmada Cabdicasiis.
Qaybtii koowaad ee kulanka kooxda Raadsa waxaa hoggaan ciyaarta u dhiibay ciyaaryahanka lambarka 17-aad Cabdifitaax daqqiiqadii 37-aad ee ciyaarta waxaana lagu kala nastay 1-0 oo hoggaanka ku haysay kooxda Raadsan.
Marka dib la isugu soo laabtay qaybtii labaad ee ciyaarta waxay labada dhina waxay soo bandhigeen ciyaar weerar & weerar celis ah taas oo fursad u siisay kooxda Raadsan iney hesho goolka labaad ee ciyaarta waxaana u saxiixay ciyaaryahankooda lambarka 11-aad Diiriye daqiiqadii 90-aad ee dhammaadkii ciyaarta, waxayna natiijada ciyaarta ku soo dhammaatay 2-0 oo ku adkaatay kooxda Raadsan.
Kooxda Raadsan ayaan laga adkaanin dhammaan saddex ciyaarood ay ciyaareen waxaana ay badiyeen labo kulan ay la kala ciyaareen kooxaha kala ah Midnimo iyo KIGS SC. halka kulanka kale ay barbaro la galeen kooxda Badbaado waxayna sidaasi ku haystaan 7-dhibcood.
Dhanka kooxda kubbadda cagta KIGS SC ayaa wax guul ah gaarin waxaana laga adkaaday labo kulan ay la ciyaareen kooxaha Badbaado iyo Raadsan halka kulanka kale ay barbaro la galeen kooxda Dekedaha waxayna sidaas ku leeyihiin kaliy hal dhibac.
Wareegga koowaad ee horyaalka Somali National League ayaa si xiiso leh ugu socdo garoonka kubbadda cagta Eng-yariisow ee degmada Cabdicasiis.
