SAWIRRO: Kooxda Heegan FC oo mar kale guuldarro la kulantay horyaalka Somali National League.
Kooxda kubbadda cagta Heegan ayaa soo gaartay guuldarradii labaad oo xiriir ah horyaalka Somali National League, kaddib markii ay la ciyaareen kooxda Dekedaha.
Qaybtii koowaad ee kulanka kooxda Dekedaha ayaa la timed gool uu u dhalliyay ciyaaryahanka lambarka 14-aad Sakariye Isaaq daqiiqadii 35-aad ee ciyaarta waxaana lagu kala nastay 1-0 oo hoggaanka ku haysay kooxda Dekedaha.
Marka dib la isugu soo laabtay qaybtii labaad ee ciyaarta waxay labada dhinac soo bandhigeen ciyaar weerar & weerar celis ah waxaana jiray fursado ay abuureen labada kooxood hase yeeshee aysan gool noqon
Kooxda kubbadda Dekedaha ayaa gaartay guushii koowaad ee horyaalka Somali National League waxayna labadii kulan ay horey u soo ciyaartay ay barbaro la soo galeen kooxaha kala ah Gaadiidka iyo KIGS SC, kulankan waa kulankooda saddexaad waana guushii ugu horreysay oo ay gaaraan xilli ciyaareedka cusub 2023/24 horyaalka Somali National League.
Dhanka kale kooxda kubbadda cagta Heegan waa guuldarradii labaad oo xiriir ah oo ka soo gaartay horyaalka Somali National League, kulankii horey waxay guuldarro kala kulmeyn kooxda Gaadiidka halka kulankii ka horreeyay ay barbaro la soo gashay kooxda MCC ciyaarha horyaalka Somali National League.
Wareegga koowaad ee horyaalka Somali National League ayaa si xiiso leh ugu socdo garoonka kubbadda cagta Eng-yariisow ee degmada Cabdicasiis.
