SAWIRRO: Kooxda Gaadiidka oo guul ku soo gabagabeysay wareegga shanaad ee Somali National League.
Kooxda kubbadda Gaadiidka ayaa guul weyn ku soo gabagabeysay wareeegga shanaad horyaalka kubbadda cagta Somali National League, kaddib markii ay 4-1 ku garaaceen kooxda Midnimo.
Daqiiqadii 4-aad ee ciyaarta kooxda Midnimo ayaa heshay gool kulaad waxaana gool u beddelay ciyaaryahanka lambarka 34-aad Bilaal kaas oo ciyaarta ka dhigay 1-0 hase yeeshee dhammaadkii qaybtii hore ayay iska soo barbareeyeen kooxda Gaadiidka kubbad uu si fiican ugu soo shaqeeyay Cabdisalaan Daanya waxaa dhammaystiray ciyaaryahanka lambarka 9-aad Adde daqiiqadii 45-aad waxaana lagu kala nastay 1-1.
Qaybtii labaad ee ciyaarta kooxda Gaadiidka ayaa heshay gool kulaad waxaana gool u beddelay ciyaaryahanka lambarka 9-aad Adde daqiiqadii 67-aad kaas oo ciyaarta ka dhigay 2-1, saddex daqiiqo kaddib waxaa goolka saddexaad u meel ka baxsan diilinta ganaaxa ka toogtay ciyaaryahanka lambarka 6-aad Cusmaan daqiiqadii 73-aad kaas oo ciyaarta ka dhigay 3-1.
Dhammaadkii ciyaarta kooxda Gaadiidaka waxaa goolka afaraad u saxiixay Nicklos Kagawa waxaana ciyaarta ay ku soo dhammaatay 4-1 oo ku adkaatay kooxda Gaadiidka.
Kooxda Gaadiidka oo ciyaartay kulankii shanaad ayaa adkaatay labo ka mid ah waxaana ay barbaro galeen hal kulan sidoo kale waxaa laga adkaaday hal kulan Somali National League.
Dhanka kale kooxda Midnimo oo kulankan u ahaa kii shanaad ayaa laga adkaaday saddex kamid hal kulan ayay guul gaareen halka sidoo hal ciyaar ay barbaro ay galeen kulmada Horyaalka Somali National League.
Isa aragga wareegga shanaad ee horyaalka Somali National League ayaa sidaasi ku soo dhammaaday waxaana horyaalka Somali National League uu hakad gali doono muddo bil ah kaddib bisha Ramadaan ayaa dib loo ciyaari doonaa warreegga 6-aad ee horyaalka Somali National League.
