SAWIRRO: Kooxda MCC oo guul ku furatay isbuucii 9-aad horyaalka Somali Natinal League.
Kooxda kubbadda cagta MCC ayaa guul muhiim ah ka gaartay dhiggeeda KIGS kulan ka tirsanaa horyaalka heerka koowaad ee Somali Natinal League.
Ciyaarta oo ahayd mid xiiso badan ayaa ku soo dhammaatay 2-1 oo ku adkaatay kooxda MCC labad gool kooxda MCC waxaa u dhalliyay ciyaaryahanka lambarka 12-aad Feysal Xuseen Cali, kaas oo kooxdiisa ku hoggaamiyay guul weyn halka goolka kaliya ay dhalliyeen kooxda KIGS uu u saxiixay ciyaaryahanka lamabarka 17-aad Mahad Cr qaybtii labaad ee kulanka.
Kooxda MCC oo ciyaartay kulankii 9-aad ayaa gaartay guushii shanaad waxay barbaro galeen afar kulan welina lagama adkaan iyagoo hadda leh 19-dhibcood horyaalka Somali Natinal League.
Dhanka kale kooxda KIGS SC oo ciyaartay kulankii 9-aad ayaa soo gaartay guuldarradii 7-aad sidoo kale waxay barbaro galeen labo kulan wax guul ah ma gaarin waxayna ku jiraan kaalinta ugu damberyso horyaalka Somali Natinal League iyagoo leh kaliya labo dhibcood.
Isbuucii 9-aad horyaalka Somali Natinal League ayaa si xiiso leh ugu socdo garoonka kubbadda cagta Muqdisho Stadium.
