Kooxda kubbadda cagta KIGS SC ayaa gaartay guusheydii koowaad ee horyaalka Somali Natinal League kaddib markii ay ka adkaadeen kooxda Midnimo ciyaar ka dhacday garoonka Muqdisho Stadium.
Qaybtii koowaad ee kulanka ayaa lagu kala nastay 1-0 oo hoggaanka ku haysay kooxda Kigs SC gool yimid dhammaadkii qaybtii hore ee ciyaarta,
Marka dib la isugu soo laabtay qaybtii labaad waxay labada kooxood soo bandhigeen ciyaar aad u wanaagsan waxaana natiijada ay ku soo dhammaatay 4-1 oo ku adkaatay kooxda Kigs SC oo gaartay guusheydii ugu horreysay horyaalka Somali Natinal League oo soconayo isbuucii 10-aad.
Kooxda Kigs SC oo ciyaartay kulankii 10-aad ayaa gaartay hal guul waxaa laga adkaaday 7-jeer iyagoo barbaro galay kaliya labo kulan horyaalka Somali Natinal League.
Dhanka kale kooxda Midnimo oo ciyaartay kulankii 10-aad ayaa la kulantay guuldarradii 7-aad , sidoo kale waxay guul gaareen hal kulan iyagoo barbaro galay labo kulan horyaalka Somali National League.
