Kooxaha kubbadda cagta Jeenyo & Raadsan ayaa barbaro goolal la’aan ah ku hishiiyay kulan ka tirsanaa horyaalka heerka koowaad ee Somali Natinal League oo lagu ciyaaray garoonka kubbadda cagta Muqdisho Stadium.
Labada kooxood ayaa soo bandhigay ciyaar awood ahaan garbo siman ku socotay, waxaana jiray fursado ay abuureen labada dhinac hase yeeshee aan gool noqon iyadoo natiijada ciyaarta ay ku soo dhammaatay 0-0 oo labada kooxood ay ku kala baxeen kulamada 11-aad ee horyaalka Somali Natinal League.
kooxda Jeenyo oo ciyaartay kulankii 11-aad ayaa gashay barbarihii afaraad, waxay guul gaareen saddex ciyaar halka laga adkaaday afar kulan horyaalka Somali National League.
Dhanka kale kooxda Raadsan oo ciyaartay kulankii 11-aad ayaa gashay barbarihii saddexaa iyagoo laga adkaaday afar kulan sidoo kale waxay soo guuleysteen afar kulan horyaalka Somali National League.
Ciyaaraha horyaalka ayaa si xiiso leh ugu socdo garoonka Muqdisho Stadium iyadoo kooxda Dekeddaha ay weli hoggaanka u hayso Somali National League.
