SAWIRRO: Kooxda Horseed oo guul muhiim ka gaarta dhiggeeda Elman Somali Natinal League.
Kooxda kubbadda cagta Horseed ayaa guul muhiim ka gaartay naadiga Elman SC kulan ka tirsanaa horyaalka heerka koowaad ee Somali Natinal League.
Ciyaaryahanka lambarka 12-aad Cabdul Amiin Xassan ayaa hoggaanka u dhiibay kooxdiisa Horseed daqiiqadii 15-aad waxaana lagu kala nastay 1-0 oo ku hoggaamineysay kooxda Horseed.
Marka dib la isugu soo laabtay qaybtii labaad ee ciyaarta kooxda Horseed ayaa sii dheereysatay hoggaanka kulanka waxaana goolka labaad u saxiixay ciyaaryahanka lambarka 15-aad Hilaal Maxamed Isaaq daqiiqadii 50-aad iyadoo natiijada ciyaarta ay ku soo dhammaatay 2-0 oo ku adkaatay kooxda Horseed.
Kooxda kubbadda cagta Horseed oo ciyaartay kulankii 12-aad aya gaartay guushii 7-aad waxay barbaro galeen 4-kulan kaliya hal kulan ayaa laga adkaaday waxayna leeyihiin 25-dhicood horyaalka Somali Natinal League.
Kooxda Elman oo ciyaartay kulankii 12-aad ayaa soo gaartay guuldarradii saddexaad waxay barbaro galeen shan kulan waxay guul gaareen afar kulan horyaalka Somali National League.
