SAWIRRO: Heegan oo guul muhiim ka gaartay dhiggeeda Gaadiidka Somali National League.
Kooxda kubbadda cagta Heegan ayaa dib ugu soo laabatay waddadii guulaha kaddib markii ay garaaceen kooxda Gaadiidka kulan ka tirsanaa horyaalka heerka koowaad Somali National League oo lagu ciyaaray garoonka kubbadda cagta Stadium Muqdisho.
Qaybtii koowaad ee kulanka waxaa hoggaanka u dhiibay kooxda Heegan ciyaaryahanka lambarka 13-aad Shaka Ssozi daqiiqadii 12-aad ee ciyaarta waxaana lagu kala nastay 1-0 oo hoggaanka ku haysay kooxda Heegan.
Marka dib la isugu soo laabtay qaybtii labaad ee ciyaarta kooxda Heegan ayaa heshay gool-kulaad waxaana gool u beddelay ciyaaryahanka lambarka 6-aad Feysal Saabuuni kaas oo horey u soo maray kooxda Gaadiidka, waxaana natiijada ciyaarta ay ku soo dhammaatay 2-0 oo ku adkaatay Kooxda Heegan.
Kooxda kubbadda cagta Heegay oo ciyaartay kulankii 13-aad ayaa gaartay guushii shanaad, waxay barbaro galeen shan kulan iyagoo laga adkaaday saddex kulan waxayna sidaasi ku leeyihiin 25-dhicood horyaalka Somali Natinal League.
Dhanka kale kooxda Gaadiidka oo ciyaartay kulankii 13-aad ayaa la kulantay guuldarradii afaraad waxay barbaro galeen 4-kulan iyagoo guuleystay shan kulan waxay sidaasi ku leeyihiin 13-dhicood horyaalka Somali Natinal League.
