Weeraryahaka Man City Kevin de Bruyne ayaa sheegay in Belgium-ka ay diyaar u yihiin inay wax wanaagsan ka sameeyaan Euro 2024, waxay kulankooda furitaanka Group E ay wajihi doonaan xulka Slovakia Euro 2024.
Xulka lagu naaneyso Red Devils ee Belgium-ka ayaa lagu reebay Euro 2020 wareega sideed dhammaadka waxaana ku reebay xulka Italy, sidoo kale waxay ku guuldareysteen inay ka soo baxaan wareega Group-yada Koobkii Adduunka sannadkii 2022.
Wararka labada xul
Ma jiraan wax dhaawacyo labada dhinac waxayna koox kasto haysataa saf dhammaystiran kulanka caawa.
Xaqiiqooyinka ciyaarta
Belgium iyo Slovakia waligood kuma kulmin tartan weyn laakiin Belgium lagama badin seddexdii kulan ee saaxiibtinimo ( hal guul ah labo barbaro).
Waa markii todobaad ee Belgium-ka ay ka soo muuqdaan koobka qaramada Yurub iyagoo natiijadoodii ugu fiicneyd ay aheyd Euro 1980 markaasi oo ay ku soo baxeen kaalinta labaad.
Belgium-ka ayaa ku haray wareegga sideed dhammaadka labadii tartan ee ugu dambeeyay ee Euro: xulka Wales ayaa 3-1 ku garaacay Euro 2016 halka Italy 2-1 ay kaga adkaatay Euro 2020.
Belgium lagama badin dhammaan 14-kii kulan intii uu hoggaaminayay tababare Domenico Tedesco ( 10 guul ah 4 barbaro ah ).
Romelu Lukaku ayaa u dhalliyay Belgium 85 gool 115 kulan oo uu u saftay dhammaan tartamada caalamiga ah, weeraryahanka Portugal Cristiano Ronaldo oo dhalliyay 130 gool ayaa ah ciyaaryahanka kaliya ee ka soo jeeda qaarada yurub ee ka goolal badan Lukaku marka la eego goolasha guud ee xulalkooda ay u dhalliyeen.
Lukaku, Jan Vertonghen, Axel Witsel iyo Kevin de Bruyne ayaa noqon kara ciyaartoydii ugu horeeyay ee ka soo muuqday Belgium markoodii lixaad koobabka waaweyn sida (Koobka Adduunka iyo Euro).
Waa markii seddexaad ee Slovakia ay ka soo muuqato koobka qaramada Yurub iyadoo natiijadii ugu fiicneyd ay aheyd Euro 2016 oo ay soo gaareen wareega 16-ka markii ugu horreysay kaddib markii 3-0 ay kaga adkaadeen Germany.
Juraj Kucka waa mid ka mid ah seddexda ciyaaryahan ee ka soo muuqday dhammaan Slovakia todobadii kulan ee Euro, waxaana ku wehliya Marek Hamsik iyo Peter Pekarik. Kaliya Kucka ayaan hal daqiiqo seegin.
Ogeysiiska ciyaarta
Taariikhda ciyaarta Isniin 17 Juun 2024
Garsooraha kulanka waa Halil Meler oo u dhashay (Turkiye)
Garoonka lagu ciyaarayo waa Deutsche Bank Park
Waqtiga 7:00 Pm fiidnimo xilliga magaalada Muqdisho.
Astaan Sports
